Afaziya və demensiya xəstəliyi ilə mübarizə aparan məşhur aktyor Brüs Uillisin qızı Tallula Uillis atasının səhhəti ilə bağlı açıqlama verib.
Sherg.az xəbər verir ki, Tallulah Uillis, atası Brüs Uillisin afaziya (nitq pozğunluğu) səbəbiylə aktyorluğu tərk etmək məcburiyyətində qaldıqdan sonra səhhətinin pisləşdiyini və sonradan demensiya diaqnozu qoyulduğunu söyləyib.
Tallulah Uillis deyib: “Atam indi sizin tanıdığınız Brüs deyil. Oxuya bilmir, danışa bilmir. Biz artıq hər şeyin son mərhələdə olduğunu qəbul edirik. O, hər an vegetativ vəziyyətə düşə bilər”.
Aksiyon filmlərin aparıcı simalarından biri olan Brüs Uillisə beynin bəzi nahiyələrindəki disfunksiya nəticəsində ortaya çıxan, danışma, nitqi anlama, oxuma və yazma kimi bacarıqlara təsir edən afaziya diaqnozu qoyulub.
Xəstəliyi səbəbindən aktyorluğu tərk edən və diqqət mərkəzindən kənarda qalan Brüs Uillis daha sonra frontotemporal demensiya ilə mübarizə aparmağa başlayıb.
Turan
