“Bir həftə ərzində korrupsiyanı, oğurluğu ört-basdır etmək üçün hər şeyi ediblər. Gənclərin arxasında gizlənmək üçün hər cür biabırçılıq sərgilədilər”.
Teleqraf xəbər verir ki, bu sözləri Türkiyə Prezidenti Rəcəb Tayyib Ərdoğan deyib.
Dövlət başçısı ana müxalifət partiyası CHP-nin ünvanına sərt ittihamlar səsləndirib: “Təxribat siyasəti ilə öz məqsədlərinə nail ola bilmədilər. Türkiyəni açıq şəkildə qaralamağa başladılar. Onların qərbə yalvaracaq qədər nəzarəti itirdiklərini gördük”.
Türkiyə Prezidenti CHP rəhbəri Özgür Özeli də sərt tənqid edib: “Ölkəsindən əcnəbilərə şikayət edəndə nə utanır, nə də qızarır. Türkiyənin ana müxalifət partiyası liderinin belə etməsi düzgündürmü? Bu siyasətçi öz ölkəsini imperialistlərə qarşı müdafiə edə bilərmi? Təbii ki, dayana, müdafiə oluna bilməz. Ona məsləhət görürəm ki, korrupsiyasına haqq qazandırmaq üçün özünü bu qədər yormasın”.
R.T.Ərdoğan ictimai asayişi pozanların qarşınını qətiyyətlə alacaqlarını da vurğulayıb: “İctimai asayişin pozulmasına dözməyəcəyik. Təhlükəsizlik qüvvələrimiz lazımi müdaxilələri edəcək. Bir gəncimizi də ölkəmizin düşmənlərinə verə bilmərik. Onları öz millətimizin sıralarına daxil etməyə borcluyuq”.
