Ermənistanın xarici işlər naziri Ararat Mirzoyan Almaniya Federativ Respublikasının federal xarici işlər naziri Yohan Vadefulla görüşüb.
Teleqraf xəbər verir ki, bu barədə xarici KİV məlumat yayıb.
Ermənistanla Almaniya arasında qurulmuş əməkdaşlığın mühüm əsaslarını vurğulayan həmsöhbətlər əlaqələrin dərinləşdirilməsi üçün yeni imkanları müzakirə ediblər.
Ararat Mirzoyan və Yohan Vaddeful demokratik proseslərin qarşısında duran vəzifələr barədə fikir mübadiləsi aparıblar.
"Ermənistan Aİ-yə, o cümlədən Almaniyaya demokratik inkişaf yolunda özünün seçilmiş, mühüm tərəfdaşı kimi baxır və bu, ölkələrimiz arasında münasibətlərin məzmununda öz ifadəsini tapır", - nazir Mirzoyan qeyd edib.
Ermənistan XİN rəhbəri regionda bərqərar olmuş sülhə toxunaraq avqustun 8-də Vaşinqtonda əldə olunmuş razılaşmaların həyata keçirilməsi istiqamətində görülən işləri təqdim edib. Mirzoyan Almaniyanın xarici işlər nazirinə regional məsələlərə və Ermənistanla əməkdaşlığın inkişafına göstərdiyi davamlı diqqətə görə təşəkkür edib.
