ABŞ əks-kəşfiyyatının 2020-2022-ci illər üzrə yeni strategiyasında Rusiya və Çin əsas təhdid mənbələri kimi göstərilib. Sputnik Azərbaycan xəbər verir ki, bu barədə Milli Əks-Kəşfiyyat və Təhlükəsizlik Mərkəzinin açıqlanan sənədində bildirilib.
"ABŞ-a istiqamətlənən oyunçuların sayı artır. Rusiya və Çin bütün dünyada fəaliyyət göstərir, öz milli güclərinin bütün alətlərini ABŞ-a qarşı istifadə edir və müasir kəşfiyyat imkanlarının geniş spektrinə sahibdirlər", - Sənəddə vurğulanır.
Digər təhdidlər sırasında isə Kuba, İran, Şimali Koreya, "Hizbullah" hərəkatı, İŞİD və "Əl-Qaidə" terror təşkilatları, transmilli kriminal təşkilatların adları da var.
