Sentyabrın 12-dən 13-ə keçən gecə düşmənin törətdiyi genişmiqyaslı təxribatın qarşısını alarkən qəhrəmancasına şəhidlik zirvəsinə ucalan əslən Qazax rayon Daş Salahlı kənd sakini, Silahlı Qüvvələrin giziri Kərimov Azad Zakir oğlunun təsirli videosu yayılıb.
![](https://scontent.fgyd21-1.fna.fbcdn.net/v/t1.15752-9/306885343_1537957346633555_8617717233278538462_n.jpg?_nc_cat=104&ccb=1-7&_nc_sid=ae9488&_nc_ohc=mmTrElBPqYUAX-a40PK&_nc_ht=scontent.fgyd21-1.fna&oh=03_AVJvJlutv_PxY1FUjBvcKCDzv9zaTWCt4r0xRa4OpWG7hA&oe=6349ADA3)
"Sherg.az" xəbər verir ki, qəhrəman Şəhidimizin sözügedən videosu onun telefonundan əldə olunub. Məlumata görə, mərhum sücayətli gizirin mobil telefonu işləmədiyinə görə onu evdə qoyaraq xidmətə yollanıb.
![](https://scontent.fgyd21-1.fna.fbcdn.net/v/t1.15752-9/306766985_601078278332667_5588297989751151385_n.jpg?_nc_cat=110&ccb=1-7&_nc_sid=ae9488&_nc_ohc=7wNvUGxOcsQAX_beKzM&_nc_ht=scontent.fgyd21-1.fna&oh=03_AVKtSGQ4Ks-KBD1BHyAbDwbkuXV9rn16FNjn-LQkqr0pbg&oe=634AF454)
Bu günlərdə Şəhidimizin dostları həmin telefonu bərpa etdirib, foto və videoları götürməyə nail olublar. Əziz oxucular, məharətli Şəhidimizin həyat kredosu və döyüş yolu ilə bağlı zaman-zaman xəbərlər tirajlanacaq. Unutmayaq, Şəhidlər vurulanda deyil, unudulanda ölürlər. Qəhrəman Şəhidlərimizi daim qəlbimizdə, ruhumuzda, milli yaddaşımızda yaşadaq!
![](https://scontent.fgyd21-1.fna.fbcdn.net/v/t1.15752-9/307537989_1947855492067079_5174692391179687230_n.jpg?_nc_cat=109&ccb=1-7&_nc_sid=ae9488&_nc_ohc=2_TGNPAup7kAX9DTgoz&_nc_oc=AQlRfZjNP8uS2LoE4DtQcmxACasOKe76bISCwvMGNoYzUiEnXvaz8TwzTqGnVb3CRlc&_nc_ht=scontent.fgyd21-1.fna&oh=03_AVI_444H3zba4WUK-2EDYnZz2_OcbAyBepKlI-A2ur7OwA&oe=634A2A56)
![](https://scontent.fgyd21-1.fna.fbcdn.net/v/t1.15752-9/307034590_795627578424497_7033746126084418010_n.jpg?_nc_cat=104&ccb=1-7&_nc_sid=ae9488&_nc_ohc=A65KaGcJkc8AX8WfhJf&_nc_ht=scontent.fgyd21-1.fna&oh=03_AVK9sM3HgTgN5O6z14VRD7vrfpqHUSrEj85U6O65Oq3vHA&oe=634AB74A)
Qeyd edək ki, Şəhidimiz ailəlidir, iki oğul övladı var. Onu da yada salaq ki, əfsanəvi döyüşçünün həyat yoldaşı
da şəhid qızıdır.
![](https://scontent.fgyd21-1.fna.fbcdn.net/v/t1.15752-9/307218285_784053696179529_5384494495886151139_n.jpg?_nc_cat=107&ccb=1-7&_nc_sid=ae9488&_nc_ohc=uK3chEB1rfAAX-8KWoz&_nc_ht=scontent.fgyd21-1.fna&oh=03_AVKOjQvKHP6x3DtoT78YshEUI8x6CMCxdw244dTA4mkG3w&oe=634AFEC5)
Gizir Kərimovun xanımı Qazax rayon Fərəhli kənd sakini, Birinci Qarabağ müharibəsi şəhidi Azər Hüseynovun övladıdır. Bildirək ki, şəhidimizin qayınatası Hüseynov Azər Qələndər oğlu 25 fevral 1973-cü ildə Qazax rayonunun Fərəhli kəndində anadan olub. 1992-1996-cı illərdə Azərbaycan Milli Ordu sıralarında xidmət edib. 2 noyabr 1997-ci ildə Qazax rayonunun Fərəhli kəndində şəhid olub. Evli olub. Həyat yoldaşı və iki övladı Fərəhli kəndində yaşayır.
![](https://scontent.fgyd21-1.fna.fbcdn.net/v/t1.15752-9/307041837_797700154978708_757010839588271496_n.jpg?_nc_cat=104&ccb=1-7&_nc_sid=ae9488&_nc_ohc=rE6D_4Pw-gYAX90Jzqf&_nc_ht=scontent.fgyd21-1.fna&oh=03_AVIkSgF6CKajOHkWUM22bC8KM5CFxkOP2HZghDfSbug0ww&oe=634B0ABC)
Məlumat üçün bildirək ki, gizir Kərimov 44 günlük Vətən savaşında göstərdiyi sücayətə və əfsanəvi qəhrəmanlığa görə, müzəffər Ali Baş Komandan İlham Əliyev tərəfindən 5 medalla -"İgidliyə görə" və "Döyüşdə fərqlənməyə" görə və digər medallarla təltif edilib.