Aİ Cənubi Qafqazda sülh və sabitliyə sadiqliyini təsdiqləyib
Avropa İttifaqı Cənubi Qafqazda sülh, sabitlik və iqtisadi inkişafa sadiqliyini bir daha təsdiqləyib.
APA xəbər verir ki, bu barədə Avropa Komissiyasının Aİ-nin genişlənmə məsələləri üzrə komissarı Marta Kosun Azərbaycan və Ermənistan səfərlərinin nəticələrinə dair bəyanatında qeyd edilib.
Normallaşma prosesinə dəstək: Ermənistan-Azərbaycan münasibətləri gündəmdə
Marta Kos səfəri zamanı Aİ-nin Cənubi Qafqazda sülh, sabitlik və iqtisadi inkişafa sadiqliyini bir daha təsdiqləyib, Ermənistan-Azərbaycan arasında normallaşma prosesinə dəstəyi vurğulayıb.
“Komissar Aİ-nin ticarət yolları, infrastruktur layihələri və insanlar arasında əlaqələr vasitəsilə regional əlaqənin gücləndirilməsindəki rolunu qeyd edib”, - bəyanatda qeyd edilib.
“Global Gateway” çərçivəsində Yüksək Səviyyəli İqtisadi İşçi Qrupu yaradılacaq
Bildirilib ki, komissarın Azərbaycana səfəri çərçivəsində Aİ ilə iqtisadi əməkdaşlığın genişləndirilməsi və "Global Gateway" təşəbbüsü çərçivəsində investisiyaların cəlbi məqsədilə Yüksək Səviyyəli İqtisadi İşçi Qrupunun yaradılması barədə razılıq əldə olunub.
Aİ Azərbaycanda humanitar minatəmizləməyə 23 milyon avro ayırır
O, eyni zamanda, Aİ-nin humanitar minatəmizləmə sahəsində dəstəyini davam etdirəcəyini təsdiqləyib: “Aİ və onun üzv dövlətləri “Team Europe” təşəbbüsü çərçivəsində 23 milyon avroya qədər vəsait ayırır. Səfərim zamanı verilən bəyanatlar bu baxışı konkret resurslarla dəstəkləyir, son diplomatik irəliləyişi bütün region üçün real nəticələrə çevirir. Mənim səfərim zamanı verilən elanlar bu baxışın arxasında konkret resurslar qoyur və son diplomatik irəliləyişləri bütün region üçün nəzərəçarpacaq nəticələrə çevirir”, - Aİ komissarı əlavə edib.
