Türkiyədə CHP-yə İstanbul üzrə sədr seçilib.
APA NTV-yə istinadən xəbər verir ki, bu vəzifəyə yenidən Özgür Çelik seçilib.
***
Türkiyə Mərkəzi Seçki Komissiyası CHP-nin İstanbul qurultayının keçirilməsinə razılıq verib.
APA xəbər verir ki, bu barədə Mərkəzi Seçki Komissiyasının sədri Ahmet Yener qərarı elan edib.
O qeyd edib ki, qurultayın dayandırılması Konstitusiyaya ziddir.
***
Türkiyənin Cümhuriyyət Xalq Partiyasının (CHP) İstanbul qurultayı başlayandan bir saat sonra məhkəmənin tələbindən sonra tədbirin keçirildiyi salona polislər gəlib.
APA Türkiyə mediasına istinadən xəbər verir ki, məhkəmə İstanbul Valiliyinə və Dairə Seçki Komissiyasına məktub göndərərək qurultayın təxirə salınmasını tələb edib.
Bunda sonra Mərkəzi Seçki Komissiyası növbədənkənar iclas keçirməyə qərar verib.
Qeyd edək ki, CHP-nin İstanbul rəhbərliyi ilə bağlı müzakirələr 2023-cü il qurultayında başlayıb. Özgür Çelik CHP-nin 8 oktyabr 2023-cü ildə keçirilən İstanbul qurultayında sədr seçilib. Lakin qurultaydan sonra “səslərin saxtalaşdırılması” ittihamları meydana çıxıb. Məhkəmə ehtiyat tədbiri olaraq konqresdə seçilmiş sədr və idarə heyəti üzvlərinin vəzifədən uzaqlaşdırılması və müvəqqəti idarə heyətinin təyin edilməsi barədə qərar çıxarıb. Məhkəmənin qərarı ilə Gürsel Tekin sədr vəzifəsinə təyin edilib. CHP rəhbərliyinin bu qərara sərt reaksiyası Sarıyerdəki qərargahı ətrafında polislə partiya üzvləri arasında gərginliyə səbəb olub.
