Azərbaycan boksçusu Tural Sarıyev Macarıstanın Debretsen şəhərində beynəlxalq turnirdə yarımfinal döyüşünü keçirib.
Bu barədə Azərbaycan Boks Federasiyası məlumat yayıb.
Bildirilib ki, 48 kq çəkidə mübarizə aparan yığmanın üzvü finala gedən yolda Temirats Jusupovla (Qazaxıstan) qarşılaşıb.
Döyüş rəqibin qələbəsi ilə başa çatıb. Sarıyev yarışı bürünc medalla başa vurub.
Qeyd edək ki, 26 ölkədən 294 boksçunun qatıldığı turnir sabah başa çatacaq.
