Əgər siz sahib olduğunuz şeyə layiq olmadığınızı düşünürsünüzsə və ya özünüzü kifayət qədər layiqli hiss etmirsinizsə, demək siz Imposter Sindromundan əziyyət çəkirsiniz.
Sherg.az xarici mediaya istinadən xəbər verir ki, Imposter Sindromu odur ki, fərd daim öz nailiyyətlərinə və bacarıqlarına şübhə edir və sahib olduqlarına layiq olmadıqlarını düşünürlər. Bu şübhə və uğursuzluq hissini yaşayan insanlar, əslində mükəmməl hesab olunurlar və həddindən artıq gözləntilərə sahibdirlər. Sadalayacağımız fikirlər beyninizdən keçirsə, Imposter Sindromu yaşayırsız.
“Mən yaxşı şeylərə layiq deyiləm”
Gözəl eviniz, yaxşı işiniz və ya əla tərəfdaşınız olsa belə, yenə də onlara layiq olmadığınızı düşünürsünüz.
“Mən dəyərli deyiləm”
Kim olduğunuza və harada olduğunuza layiq olmadığınızı hiss edirsiniz. Girdiyiniz mühitlərə aid olmadığınız və ya istənilmədiyiniz fikri ilə yaşayırsız.
"Cəhd etmək lazım deyil, hər halda uğursuz olacağam"
Bacarıqlı və uğurlu bir fərd ola bilsəniz də, aşağı özgüvəniniz hər bir şəraitdə uğursuz olacağınızdan xəbər verir.
“Beynimdəki mənfi fikirlər mənə həqiqəti deyir”
Bu şübhə və uğursuzluq qorxusu ilə mübarizə apardıqca, mənfi fikirlər beyninizdən keçə bilər və özünüzə inamınızı daha da aşağı sala bilər.
“Mən başqaları kimi yaxşı deyiləm”
Özünüzü bir fərd olaraq qeyri-kafi görməklə yanaşı, özünüzü daim başqaları ilə müqayisə edirsiniz. Özünüzü yöndəmsiz, uyğun olmayan və sosial cəhətdən bacarıqsız hesab edirsiniz
“Uğurumu qeyd etməyə dəyməz”
Belə hiss bütün motivasiyanızı aşağı salır. Ən kiçik nailiyyəti belə qiymətləndirmirsiniz və qeyd etmək üçün heç bir səbəb görmürsünüz.
Turan