1980-ci illərdə yazdığı "Şeytan ayələri" kitabı ilə İslam dünyasını qəzəbləndirən Salman Rüşdi 2022-ci ildə bıçaqla hücuma məruz qalmışdı. Salman Rüşdi bıçaqlı hücumda bir gözünü itirib.
Sherg.az xəbər verir ki, onu bıçaqlayan Livan əsilli Amerikalı Hadi Matari "qəsdən adam öldürməyə cəhd"də günahkar bilinib. 32 ilə qədər həbs cəzası gözlənilən Matarın alacağə cəzanın məhkəmə prosesi aprelin 23-də keçiriləcək.
Məşhur yazar noyabr ayında “On birinci saat” adlı yeni hekayə toplusu ilə kitabsevərlərin görüşünə hazırlaşır. Bu kolleksiyada müəllif ölüm, qəzəb və sülh kimi mövzuları araşdıracaq.
“Onbirinci saat” 2022-ci ildə Nyu-Yorkda bıçaqlanandan sonra Buker Mükafatlı yazıçının ilk əsəri olacaq. Uzun müddətdir Nyu Yorkda yaşayan Rüşdi avqustun 12-də Buffalo yaxınlığındakı Chautauqua İnstitutunda mühazirə oxuyarkən Kaliforniya əsilli Matar tərəfindən bıçaqla hücuma məruz qalıb.
