Kreml Rusiyanın iri dövlət şirkətlərinə ABŞ-la böyük sövdələşmələr üçün təkliflər hazırlamağı tapşırıb.
Axar.az xəbər verir ki, bu barədə “Moskva Tayms” hazırkı məmurların, diplomatların və Rusiya dövlət korporasiyalarındakı mənbələrin şərhlərinə istinadən məlumat yayıb.
Şirkətlərə təkcə Ukraynada atəşkəs deyil, həm də təsir dairələrini əhatə edən “geniş əsaslı saziş” bağlamaq üçün ABŞ Prezidenti Donald Trampı maraqlandıra biləcək nəsə tapmaq tapşırıldığı vurğulanır.
"Hökumət, nazirliklər və korporasiyalar gecə və istirahət günləri də daxil olmaqla, tam sürətlə işləyir, iqtisadiyyatın əsas sektorları üçün təkliflər hazırlanır. "Rosatom" və "Rosneft" öz təşəbbüslərini bölüşdülər. "Polyus Gold" qızıl yataqları ilə bağlı yeni məlumatları Kremlə ötürüb. İşə "Rusal" və digər strukturlar da qoşulub", - mənbə bildirib.
