Ermənistan hökumətinin bir neçə gün əvvəl keçirilən iclasında regional sülh mövzusuna toxunan ölkənin Baş naziri Nikol Paşinyan Türkiyədən müəyyən müsbət ictimai siqnalların olduğunu söyləyib. Paşinyan bununla bağlı deyib:
“Biz bu siqnalları dəyərləndirəcəyik və müsbət siqnallara müsbət siqnalla cavab verəcəyik”. Siyasətçi sözügedən müsbət siqnallar barədə ətraflı açıqlama verməyib.
Politoloq İlqar Vəlizadə baş nazirin bəyanatını “Sherg.az”a qiymətləndirdi:
“Türkiyə öz xoş niyyətini göstərir. Prezident Ərdoğan “Biz istəyirik ki, Ermənistan yekun sülh müqaviləsinə qol çəksin” deyib. Burada ölçüb-biçiləsi bir şey yoxdur. Sadəcə siyasi iradə lazımdır, vəssalam. Amma yekun sülh müqaviləsi yaxın gələcək üçün gözlənilmir. Hələ tezdir. Əvvəl üçtərəfli bəyanatın şərtləri yerinə yetirilməlidir və görünür, İrəvan buna o qədər də meyilli deyil”.
