Çin son illərdə dünyanın ən güclü ölkələrindən birinə çevrilib. Avrasiya regionunda Çinin böyük siyasi və iqtisadi rolu var. Azərbaycanla Çin arasında da strateji tərəfdaşlıq möhkəmlənir və ticarət, enerji, nəqliyyat kimi sahələrdə birgə işlər aparılır. Viza rejiminin ləğvi əlaqələrin yaxınlığını göstərir. Həmçinin, Azərbaycanla Çin arasında böyük nəqliyyat layihələri üzərində əməkdaşlıq gedir.
Prezident İlham Əliyev də III Şuşa Qlobal Media Formunda Çin ilə əməkdaşllğımızın önəmindən və perspektivindən söz açıb:
Mövzu ilə bağlı politoloq Sultan Zahidov Sherg.az-a açıqlama verib:
"Çin bu gün dünyanın qlobal güclərindən biridir. O, ümumdaxili məhsuluna, iqtisadi inkişaf tempinə görə dünyada ikinci yerdədir. Rəsmi Pekin dünyanın fərqli regionlarında siyasi, iqtisadi nüfuz sahibidir. Avrasiya məkanında Çinin iqtisadi potensialı, nəqliyyat-logistika imkanları, siyasi nüfuzu inkar edilməzdir. Azərbaycan da bu reallığı nəzərə alan bir ölkədir. Azərbaycanla Çin arasında münasibətlər müstəqillikdən bu günə kimi dinamik xəttlə inkişaf edib. İki ölkə arasında bir neçə ay öncə ölkə başçısının Pekinə səfəri ilə hər tərəfli strateji tərəfdaşlıq razılaşması imzalandı. Bu bir il əvvəl imzalanmış strateji tərəfdaşlıq sazişinin davamı və eyni zamanda iki ölkə arası münasibətlərin daha da dərinləşməsi kimi nəzərdən keçirilməlidir".
Politoloq Azərbaycan və Çinin ticarət, nəqliyyat, enerji sektoru, texnologiyalar, rəqəmsal, yaşıl iqtisadiyyat və digər sahələrdə əməkdaşlıq etdiyinə diqqət çəkib:
"Bu yaxınlarda iki ölkə arasında viza rejiminin ləğv edilməsi Azərbaycan-Çin münasibətlərinin ən yüksək səviyyədə olmasına dəlalət edir. Aprel ayında imzalanan hər tərəfli strareji tərəfdaşlıq sazişində qeyd olunur ki, orta dəhlizin və Çinin irəli sürdüyü "Bir kəmər və bir yol" layihələrinin inteqrasiyası məsələsi də nəzərdən keçiriləcək. Azərbaycanın önəmli parçası olduğu orta dəhliz Çinin "bir kəmər bir yol" layihəsinə tam inteqrasiya olunarsa bu Avrasiyanın nəqliyyat infrastrukturunun şəbəkəsinin inkişafına böyük töhfə verər".
Ekspert Zəngəzur dəhlizi məsələsinədə toxunub:
"Zəngəzur dəhlizi də Orta dəhlizin vacib elementinə çevrilmək potensialına malikdir. Bu səbəbdən də Çin bu dəhlizin açılmasına xüsusi maraq göstərə bilər".
