"İsrail Azərbaycana kamikadze dronlarının satışı ilə bağlı qadağanı aradan götürüb”.
Bu barədə "Sherg.az”a politoloq Məhəmməd Əsədullazadə məlumat verib.
Ekspert bildirib ki, aprel döyüşlərində məhz kamikadze dronlardan istifadə edilərək ermənilərin müdafiə sistemi və canlı qüvvələri yüksək dəqiqliklə vurulub:
"Bu PUA-lar vasitəsi ilə erməni qoşunlarının fəaliyyəti, yer dəyişməsi ciddi çətinləşib. Hesab edirəm ki, Azərbaycanda İsraillə birgə kamikadze dronlarını istehsal edən zavodun açılması çox zəruridir. İsraillə birgə hərbi təyiantlı istehsal müəssisələrimiz olduğu halda, belə bir zavodun açılması niyə də olmasın?! Xatırladım ki, Ermənistan rəhbərliyi 2017-ci ildə həqiqəti əks etdirməyən bir məsələyə görə, İsrailin Azərbaycana satdığı kamikadze PUA-larına görə beynəlxalq təşkilatlara şikayət etmişdi. Lakin rəsmi Bakının İsraillə qarşlılıqlı etimad mühitində inkişaf edən əməkdaşlığı nəticəsində dronların yenidən Azərbaycana satılması mümkün olacaq”.
Analitikin sözlərinə görə, hazırda region üçün ən optimal təhlükəsizlik formatı Ankara-Bakı-Təl-Əviv formatı ola bilər:
"Təssüflər olsun ki, Türkiyə ilə İsrail arasında regionda baş verən proseslər fonunda münasibətlərdə problemlər hökm sürür. Əgər problem olmasaydı, üç tərəfli formatın yaradılması reallaşa bilərdi. Yaxın perspektivdə belə bir əməkdaşlıq formatının yaradılması üçün siyasi zəmin yaradıla bilər. Bu format regionda Azərbaycanın mövqeyinin güclənməsinə və xüsusən Qarabağ münaqişəsinin həllində proseslərin lehinə işləyər”.
İsmayıl
