"Cənab Prezident öz müsahibəsində çox mühüm istiqamətlərə diqqət çəkdi. Həmin istiqamətlərdən biri də Azərbaycan mediası ilə bağlıdır”.
Bunu "Sherg.az”a açıqlamasında "Xalq Cəbhəsi” qəzetinin baş redaktoru Elçin Mirzəbəyli deyib.
Baş redaktor bildirib ki, jurnalistlərə dost olan dövlət başçısının Azərbaycan mətbuatının mühüm əhəmiyyət kəsb etdiyini, onların yayımladığı matarialları daim diqqətdə saxladığını və mediadan informasiya aldığını vurğulaması sevindirici haldır:
"Şübhəsiz ki, bu, həm də Azərbaycan mətbuatına verilən dəstəkdir. Prezidentin mediaya dəstəyi çox mühüm əhəmiyyət daşıyır. Düşünürəm ki, məhz ölkə başçısının bu istiqamətlərə diqqət çəkməsi onun mediaya verdiyi mənəvi dəstək kimi də qəbul olunmalıdır. Ümumiyyətlə, cənab Prezidentin Real tv-yə belə geniş müsahibə verməsini dövlət başçısının Azərbaycan KİV-lərinə münasibəti kimi dəyərləndirirəm”.
İsmayıl
