Tokatın Niksar qəsəbəsində Muammer G. (40), boşandığı arvadı Alev İldırımı (28) zorla avtomobilə mindirərək qaçırdıqdan sonra ov tüfəngiylə vuraraq, öldürdü. Hadisədən sonra qaçan və haqqında uzaqlaşdırma qərarı çıxdığı öyrənilən Muammer G., hər yerdə axtarılır.
Sherg.az türk mediasına istinadən xəbər verir ki, hadisə gecə Niksar qəsəbəsinin mərkəzində baş verib. İddiaya görə, işsiz olan Muammer G., 1 il əvvəl boşandığı 2 uşağının anası Alev İldırımı qəsəbənin mərkəzindəki Alparslan Türkeş Parkı yaxınlığında zorla avtomobilə mindirərək qaçırıb. Hadisəni görənlər vəziyyəti polisə bildirib. Polislər avtomobili tapmaq üçün hərəkətə keçib, ancaq nəticə ala bilməyib. Muammer G., gecə saatlarında polisi axtararaq keçmiş həyat yoldaşını Çimenözü kəndi yaxınlığında öldürdüyünü, cəsədini də orada qoyduğunu söyləyib. Bundan sonra hadisə yerinə jandarma qrupları sövq edilib və Alev İldırımın cəsədini aşkarlayıblar. Ov tüfəngi ilə vurulduğu təyin olunan İldırımın cəsədi araşdırmadan sonra yarılmaq üçün xəstəxananın meyitxanasına aparılıb.
Bu arada məlum olub ki, Alev İldırım 6 ay əvvəl Muammer G. haqqında məhkəmədən uzaqlaşdırma qərarı alıb. Muammer G.ın keçmiş həyat yoldaşını qaçıran zaman istifadə etdiyi avtomobil isə Erbaa qəsəbəsində tərk edilmiş halda tapılıb. Şübhəli Muammer G.ın tutulması üçün jandarma və polis qrupları iş aparır.
Turan
