Avropa Şurası və Avropa Parlamenti iqlim dəyişikliyi ilə mübarizədə tullantıların daha da azaldılmasına dair qanun layihələri üzrə ilkin siyasi razılığa gəliblər.
"Report" xarici KİV-ə istinadən xəbər verir ki, bu barədə iki qurumun birgə kommünikesində deyilir.
Bu qanun layihələri Avropa İttifaqının 2030-cu ilə qədər istixana qazı emissiyalarını 55% azaltmaq məqsədini hədəfləyir. Bu paketə ictimai iqlim fondunun yaradılması, innovasiya və modernləşdirmə fondlarının isə mövqelərinin gücləndirilməsi ilə bağlı bəndlər daxildir.
Sənəddə qeyd edilir ki, saziş ilkin xarakter daşıyır və rəsmi təsdiq tələb edir.