Pensiyaların artırılması əslində, inflyasiyaya görə kompensasiyadır, artım deyil
“2023-cü ildə əməkhaqlarının və pensiyaların artırılması, əslində, inflyasiyaya görə kompensasiyadır, artım deyil”. Bunu Milli Məclisin İqtisadi siyasət, sənaye və sahibkarlıq komitəsinin iclasında “2023-cü il dövlət büdcəsi haqqında” qanun layihəsinin müzakirəsi zamanı deputat Əli Məsimli deyib.
Deputat bildirib ki, bir çox məhsulların qiyməti çox artıb: “Burada qeyd edilir ki, inflyasiyaya səbəb xaricdən qaynaqlanan faktorlardır. Mən xahiş edirəm, açıqlayın ki, hazırda olan inflyasiyanın neçə faizi xarici faktorlardan qaynaqlanır, neçə faizi daxili, neçə faizi isə monopolistlərin etdiyi süni qiymət artımı nəticəsində? Gələn il inflyasiyanın 6,9 faiz olacağı deyilir. Amma bizim hesablamalarımıza görə, reallıqda inflyasiya daha çoxdur”.
