Pay torpaqları ilə bağlı qərarar: Bundan xeyli insan yararlanacaq

Torpaq payına görə vətəndaşların işsizlikdən sığorta ödənişi almaq hüququ olacaq.
Bu, Milli Məclisin bu gün keçirilən iclasında müzakirəyə çıxarılan “İşsizlikdən sığorta haqqında” qanuna təklif edilən dəyişiklikdə əksini tapıb.Layihəyə əsasən, qanuna işsizlikdən sığorta ödənişinin ödənilməsi üçün əsas olan əmək müqaviləsinə xitam verilməsinin əsasları əlavə edilib.  Qanun layihəsi səsverməyə çıxarılaraq birinci oxunuşda qəbul edilib.

Məsələ ilə bağlı “Sherg.az”a danışan  iqtisadçı -ekspert Eyyub Kərimli bildirib ki, bu qərar insanların rifahına müsbət təsir göstərəcək: 


"Əvvəllər pay torpaqlarından sığorta ödənişı alınmırdı. Bu da bəzi hallarda əhalinin maddi vəziyyətinə mənfi təsir göstərirdi. Bu  məhdudiyyətin aradan qaldırılması təqdirəlayiqdir. Əsasən də rayon yerlərində yaşayan vətəndaşlar üçün sevindirici bir qərardır. Çünki rayonda insanların adına pay torpağı olsa da tam fəaliyyət göstərə bilmirdilər. Nəticədə xeyli sayda vətandaşın sığortadan yararlanmasına imkan yaranacaq ".