Pikassonun uzun illərdir gizlətdiyi gənc sevgilisini əks etdirən rəsm əsəri may ayında hərraca çıxarılacaq. Rəsm əsərinin 60 milyon dollara satılacağı gözlənilir.
Rəssamın Mari Tereza Uolterə qarşı hissləri təsvir olunan tablo “Femme nue couchée” tablosu adlandırılır. May ayında Sothebysdə satışa çıxarılacaq tabloda Uolter dəniz canlısının hiss üzvləri ilə təsvir edilib.
Uolterin həvəsli və bacarıqlı üzgüçü olması, su üzərindəki lütfü heç vaxt üzməyi öyrənməmiş Pikassonu dərindən heyran edib. Pikasso 1927-ci ildə Parisdəki Galeries Lafayette-in pəncərəsində onu görüb və aşiq olub. Həmin vaxtlarda Uolter 17 yaşında gənc bir qız, Pikasso isə 45 yaşlı bədbəxt bir evli kişi idi.O, özünü "Birlikdə böyük işlər görə bilərik. Mən Pikassoyam" deyə təqdim edəndə, Uolter onun kim olduğundan xəbərsiz olub.
1928-ci ilin yayında Pikasso Valteri o vaxtkı həyat yoldaşı, rus-ukraynalı rəqqasə Olqa Xoxlova və oğulları Paulonun qaldığı yerin yaxınlığındakı istirahət düşərgəsinə yerləşdirib. Hətta Pikasso bir neçə dəfə Uolterin portretini çəkib.
