Facebook KİV xəbərlərini paylaşımına məhdudiyyət qoyduqdan sonra dünyanın ən böyük media nəşrlərində dəhşətli vəziyyət yaranıb. Trafiklər kəskin şəkildə düşüb.
Aşağıdakı cədvəldə 2020-ci il və 2023-cü ilin birinci yarısına qədərki vəziyyətin müqayisəsi verilib. Bu, fərdi komputerlərdən resurslara daxil olan istifadəçilərə görə çıxan nəticədir.
mirror.co.uk 2020-ci ildə 68% 2023-cü il -27%
1.dailymail.co.uk 59% 19%
2.BBC 53% 14%
3.foxnews.com 61% 10%
4. CNN 54% 9%
5. independent.co.uk 51% 10%
6. theguardian.com 53% 9%
7. nytimes.com 46% 8%
8. washingtonpost.com 43% 7%
Digər təhlillər də göstərir ki, gündəlik 10-100 min İP sayı olan saytlarda trafik 50 faiz aşağı düşüb.
Bu fikirləri tanınmış jurnalist Xaqani Səfəroğlu, öz feysbuk səhivəsində paylaşıb.
Məsələ ilə bağlı Azərbaycan İnformasiya və Kommunikasiya Texnologiyaları Sənayesi Assosiasiyası (AİKTSA) İdarə Heyətinin sədri Elvin Abbasov “Sherg.az”a bildirib ki, feysbuk Kütləvi İnformasiya Vasitələri nəşrlərinin paylaşılmasına məhdudiyyət qoya bilməz:
"KİV internet ünvanında hər gün yeni media qrumları yaradılır. Bu məhdudiyyətin qoyulması texniki cəhətdən mümkün deyil. Feysbuk sadəcə olaraq qoyulan postlardakı linklərə qadağa qoyur. Bu isə ümumi bir məhdudiyyətdir, yəni təkcə KİV-lərə şamil olunmur. Bu feysbukun korporativ siyasəti ilə əlaqəlidir. Feysbuk istifadəçilərinə bildirir ki, korporativ marketinq bölməsindən istifadə edərək pul qoyun, reklam edək. Yəni ki, bu platformadan əyləncə naminə istifadə edə bilərsiniz, ancaq korporativ məqsəd ilə istifadə qadağandır. Azərbaycanda çalışırlar ki, manuel reklam təşkil edilsin. Bu üsulla əyləncə xarakterli yazdığınız yazı kimi əlçatan olsun. Təəssüflər olsun ki, feysbuk əvvəlki kimi fəaliyyət göstərmir. Bunun üçün də insanlar sosyal şəbəkələrdə əyləncə xarakterli fikirləri, şəkil və videoları paylaşdıq da feysbuk heç bir məhdudiyyət tətbiq etmir. Hansısa, saytın linkini posta atdıqda məhdudiyyət olacaq. Bu isə heç bir KİV-lə əlaqəsi yoxdur".
