Türkiyə prezidenti Rəcəb Tayyip Ərdoğan və Rusiya prezidenti Vladimir Putin arasında görüş başa çatıb.
Modern.az Rusiya KİV-nə istinadən xəbər verir ki, görüşdən sonra tərəflər jurnalistlərin suallarına cavab veriblər.
"Türkiyədə rus turistlərinin təhlükəsizliyi təmin olunmalıdır. Xüsusi xidmət orqanlarımız buna yardım göstərməyə hazırdır”.
Bundan başqa, Putin Türkiyədə inşa olunan "Akkaya” Atom Elektrik Staniyasının tikintisinə Rusiya tərəfinin 22 milyard dollar investisiya yatıracağını bəyan edib.
Türkiyə rəhbəri Ərdoğan isə görüşün nəticələrinin bir neçə gün sonra özünü göstərəcəyini vurğaulayıb.
Görüşdə Suriyada sülhün bərqərar olması və terror qarşı effektiv mübarizə yolları da diqqətdə saxlanılıb. Ərdoğan Suriya sərhəddində ölkəsinin milli təhlükəsizliyinə təhlükə yaradacaq heç bir qüvvəyə imkan verilməyəcəyini deyib.
