Ankarada British Golden cinsindən olan bir pişiyə obses¬siya pozuntusu (israrla eyni şeyə fokuslanma) diaqnozu qoyulub. Artas adlı pişiyə antidepresanla müalicəyə başlanılıb.
Sherg.azxəbər verir ki, tibb bacısı Pınar Çalık, 7 yaşlı British Golden cinsindən olan pişiyi Artasın 6 ildən bəri davam edən təmizlik takıntısı və bir nöqtəyə həddindən artıq fokuslanma hərəkətləri səbəbilə iki ay əvvəl baytara müraciət edib.
Ümumi müayinədən sonra Artasın obsesif-kompulsiv pozuntuya (israrla eyni şeyə fokuslanma) tutulduğu müəyyənləşdirilib.
Artas üçün pişiklərin müalicəsində xüsusi tətbiq olunan antidepresan dərmanlardan istifadə olunmasına qərar verilib. Nəzarət altında müəyyən dozada verilən dərmanlara Artasın müsbət reaksiya göstərdiyi bildirilib.
Pişik Artasın müalicəsi yalnız dərmanla deyil, həm də oyun seansları ilə dəstəklənməyə başlanılıb.
Pınar Çalık Artası istehsal evindən xilas edib sahibləndiyini deyib:
“Daim eyni qaydada, eyni şəkildə yaşayırdı. Son vaxtlar tualet problemləri çox artmışdı. Evdə qum qabı təmiz olsa da, çox vaxt başqa yerlərə tualet edirdi. “Bunun altında fizioloji bir səbəb varmı?” deyə araşdırmağa başladıq.”
Çalık pişiyinin iki aydır dərman qəbul etdiyini və Artasın şikayətlərinin böyük ölçüdə azaldığını qeyd edib.
