Digərlərinə yoluxmaq ehtimalı isə qalır
Qrip virusları payız-qış mövsümündə aktivləşir. Həkim-infeksionist Mərdan Əliyev Sherg.az-a açıqlamasında bildirdi ki, kəskin respirator virus infeksiyaları içində - yuxarı tənəffüs yollarının kəskin iltihabı xəstəlikləri törədən virus infeksiyaları arasında ən ağır formada cərəyan edəni məhz qripdir. Müxtəlif viruslar var; adenovirus. Rotovurus, paraqrip, konovirusun növləri və sair:
- Amma qrip peyvəndi yalnız qrip virusundan qoruyur. Digərlərinə yoluxmaq ehtimalı isə qalır. Qripin yayılma mövsümü dekabr ayından mart ayına kimidir. Yaxşı olar ki qrip əleyhinə peyvənd dekabr ayından əvvəl vurulsun, qabaqlayıcı tədbir olaraq. Bilirsiz ki, qripin ağırlaşmaları olur. Pnervmoniya, sinusit kimi. Ona görə də qabaqlayıcı tədbir görməkdə fayda var. Xüsusən yaşlı insanlar, 65 yaşüstü olanlar, revmatoid, artrid kimi xəstəlikləri olanlar, steroid preparatlarla müalicə olunanlar, 6 yaşdan yuxarı uşaqlar peyvənd olunsalar yaxşıdır. Bu şəxslər peyvənd olunmalıdırlar ki qripin ağırlaşmalarından qorunsunlar.
