İranın İsraillə Həmas arasında gedən müharibədə İŞİD-i diriltməyə çalışdığını bildirən Suriyada çalışan ABŞ generallarından Coel Vovel birdən-birə məsələni İrandan Türkiyəyə bağlayaraq qalmaqallı açıqlamalar verib.
Sherg.az "Milliyet.com.tr"yə istinadən xəbər verir ki, İsrail və HƏMAS arasında vəkil qüvvələri ilə müharibədə iştirak edən İran həm Husilər, həm də Hizbullah vasitəsilə Yaxın Şərqdə dəfələrlə ABŞ və İsrailə hücum edib. İraqdakı ABŞ əsgərləri müharibə başlayandan bəri 100 dəfədən çox hədəfə alınıb. Dörd ay ərzində ölümcül hücum bu yaxınlarda İordaniyada baş verib. Vaşinqtonun “Qüllə 22” hərbi bazasını pilotsuz təyyarə ilə hədəfə alan döyüşçülər 3 ABŞ əsgərini öldürüb. ABŞ prezidenti Co Bayden dünyanı şoka salan hücuma cavab verəcəyini vəd edib.
Təsdiqlənməmiş iddialara görə, ABŞ PUA eniş edərkən hücum pilotsuz təyyarəsi "Tower 22" bazasına yaxınlaşıb və əsgərlər bu iki PUA-nı qarışdırıb. Tehranın dəstəklədiyi hücumun başladığı ölkə İraqdır.
“Times” qəzetinə danışan ABŞ-ın İŞİD-ə qarşı müharibəsinin komandanı general-mayor Coel Vovel, müharibənin başlamasından sonra son 3 ayda terror təşkilatının şübhəli hücumlarında 200 faiz artım olduğunu bildirib və bunun səbəbini bu hadisə ilə- İranla əlaqələndirib. Vovvel İŞİD-in xüsusilə son 60 gündə Suriyada hücuma keçdiyini və fəallaşdığını ifadə edərək, əlavə edib:
"İŞİD yaraqlıları İranın istədiyi kimi hərəkət edirlər. Bizi bölgədən çıxarmaq istəyirlər".
Vovell həmçinin yanvarın 16-da Suriyanın şimalında İŞİD-ə ev sahibliyi edən ən böyük həbsxanaya hücum olduğunu və bunun da İranla əlaqəli olduğunu iddia edib. 5000 silahlının saxlandığı həbsxanaya ciddi ziyan dəyərkən, çoxlu silahlının bölgədən qaçdığı düşünülür. Vovel bu məsələ ilə bağlı belə deyir:
"Həbsxanadan qaça bilsələr, bir gecədə ordunu yenidən qura bilərlər. Bu, onların yeganə məqsədidir".
Vowell açıqlamalarına davam edərək, Türkiyənin bölgədə DEAŞ-a qarşı mübarizə aparan terror təşkilatı PKK-nın Suriya uzantısı YPG-ni tez-tez bombaladığını ifadə edərək, "Bu ciddi bir problemdir. Türkiyə NATO-dakı ortağımızdır, lakin terror probleminin arxasınca gedir. Bu səbəbdən Türkiyə ordusu bizim əməliyyat imkanlarımızı azaldır”.
