Pop ulduzu Britni Spirs, sosial mediada paylaşdığı videoda nərdivandan düşdüyünü və dizini zədələdiyini açıqlayıb. 43 yaşlı Britni bildirib ki, “Dostumun evində yıxıldım, qorxunc idi. Ara sıra çıxır, qırıq olub-olmadığını bilmirəm, amma indi yerindədir.”
Sherg.az xəbər verir ki, dizində bandaj olmasına baxmayaraq Britni Spirs, mini geyim və topuq ayaqqabılarla diqqət çəkib.
Bundan əlavə, ulduzun həyatına həsr olunmuş film “Universal Pictures” tərəfindən çəkiləcək. Filmin rejissoru Jon M. Chu, prodüseri isə Marc Platt olacaq. Spirs sosial mediada “gizli layihə” üzərində işlədiyini və sevdiyi rejissorlardan biri ilə çalışdığı üçün məmnun olduğunu bildirib.
