Aprelin 9-da saat 12:00-da Azərbaycan Milli Elmlər Akademiyasının Elmi Kitabxanasında - bənzərsiz türkoloq alim mərhum Arif Acaloğlunun xatirəsinə həsr olunan tədbir keçiriləcək.
"Sherg.az" xəbər verir ki, toplantıda Nəriman Əbdürrəhmanlının Arif Acaloğlunun məqalələri və dostlarının xatirələrindən ərsəyə gətirdiyi "Uzaq yolların adamı" kitabının təqdimatı da olacaq. Tədbirdə A.Acaloğlunun dostları onunla bağlı xatirələrini söyləyəcək, alimlər müxtəlif istiqamətlərdə məruzələr edəcək.
Azərbaycan Türk Ocağının təşkilatçılığı, "Şərq" qəzetinin informasiya dəstəyi ilə baş tutacaq toplantıya arzu edənlər qatıla bilərlər. Giriş sərbəstdir.
