İstanbul Sabiha Gökçen Hava Limanı – London Stansted reysinə hazırlaşan təyyarədə vəziyyət bir anda qarışıb.
Sherg.az xəbər verir ki, bir sərnişin digər sərnişinlərə hücum edib. Hadisədən sonra təyyarənin pilotunun “Təyyarədə dava var, bizə polis lazımdır” sözləri qeydə alınıb.
Əldə edilən məlumata görə, Pegasus Hava Yollarına məxsus PC-1169 reys nömrəli Airbus A321 NEO tipli təyyarə İstanbul Sabiha Gökçen – London Stansted reysini həyata keçirmək üçün sərnişin qəbulunu tamamlamışdı.
Bu zaman təyyarədə olan sərnişinlərdən biri oturduğu yerdə qışqırmağa başlayıb və onu sakitləşdirməyə çalışan digər sərnişinlərə hücum edib.
Təcavüzkar sərnişin zərərsizləşdirildikdən sonra, kabin heyəti vəziyyəti pilotun diqqətinə çatdırıb.
Hadisə ilə bağlı təyyarənin pilotu hava hərəkətinə nəzarət mərkəzi ilə əlaqə saxlayaraq “Bizə polis lazımdır, təyyarədə dava var” sözləri ilə vəziyyəti bildirdi.
Pilotla qüllə arasında olan danışıqlar qeydə alınıb. Polis qrupları hadisə yerinə gələrək həmin sərnişini təyyarədən endirib.
Hadisəyə görə İstanbul Sabiha Gökçen – London Stansted reysi 1 saat 23 dəqiqə gecikmə ilə həyata keçirilib.
