Təqribən 70 milyon yaşı olduğu bildirilən dinozavr skeleti hərraca çıxarılacaq. Bu barədə “NTV.com.tr” məlumat verib. Məlumatda qeyd olunur ki, 70 milyon il əvvəl yaşamış dinozavrın skeleti 3 T-Rex sümüyündən ibarətdir. Skelet İsveçrənin Cenevrə şəhərində hərraca çıxarılacaq. Bu çox nadir skeletdir. Hündürlüyü 4 metr, uzunluğu isə 12 metrdir. Skeletin qiyməti 5-8 İsveçrə frankı təyin edilib. Skelet hərraca çıxarılmadan öncə ictimaiyyətə nümayiş olunur. Bildirilir ki, skelet arxeoloji qazıntılar zamanı tapılmış 3 T-Rex qalıqlarının birləşdirilməsiylə əldə edilib. Hərracı keçirəcək auksion evinin sahibi Kril Koller deyib ki, bu skelet “TRX-293 Trinity” adlanır. Çünki skelet 3 skelet qalıqlarından ibarətdir və onların hamısı ABŞ-də tapılıb. 293 rəqəmi isə skeletdəki sümüklərin sayını bildirir. İsveçrənin “Aathal Dinozavr Muzeyi”ndə çalışan paleontoloq Hans Jacob-Siber isə T-Rex skelet qalıqlarının tapılmasını son dərəcə nadir hadisə kimi dəyərləndirərək tapılan skelet qalıqlarının əsl sümüklər olduğunu bildirib. Lakin nadir tapıntının satışa çıxarılması təpkilərlə də qarşılanıb. Təpki göstərənlər bu fikirdədir ki, nadir tapıntı kiminsə şəxsi əmlakı yox, xalqa mənsub olmalıdır.
70 milyon yaşı olan skelet satılır
