Rusiyanın Ukraynanın enerji infrastrukturuna hücumlarının intensivləşməsi fonunda G7+ Koordinasiya Qrupu fövqəladə iclas çağırıb.
Teleqraf xəbər verir ki, bu barədə Ukraynanın Energetika Nazirliyi məlumat yayıb.
Məlumata görə, tədbirdə ABŞ, Kanada, Almaniya, Hollandiya, Fransa, Avropa Komissiyası, AYİB və Enerji Birliyinin Katibliyi də daxil olmaqla, ayrı-ayrı ölkələrdən və beynəlxalq təşkilatlardan 100-dən çox nümayəndə iştirak edib.
Ukrayna rəsmiləri neft və qaz obyektlərini, eləcə də mülki infrastrukturu hədəf alan son zərbələrin təsirləri barədə tərəfdaşlarını məlumatlandırıblar.
