Biz Azərbaycan və Ermənistan liderləri arasında müntəzəm təmasların davam etdirilməsini vacib hesab edirik. Bunu Rusiya Xarici İşlər Nazirliyinin rəsmi nümayəndəsi Mariya Zaxarova həftəlik brifinqdə deyib.
O qeyd edib ki, Rusiya Ermənistan-Azərbaycan münasibətlərinin normallaşmasına yönəlmiş istənilən səyləri alqışlayır. “Biz iki dövlət liderlərinin dekabrın 15-də Brüsseldə keçirilməsi planlaşdırılan görüşündən sonra üçtərəfli razılaşmaların həyata keçirilməsinə sadiqliyin bir daha təsdiq ediləcəyini gözləyirik”, - deyə Rusiya XİN-in sözçüsü bildirib.