Separatçılar Azərbaycan əsgərinin üzünü bu dəfə Xankəndidə görəcəklər
Ermənilərin səngər qazdığını əks etdirən görüntülər yayılıb. Bu barədə Ermənistanın VOMA terror təşkilatının teleqram kanalında görüntülər paylaşılıb. Qeyd olunub ki, erməni könüllülər səngərlər qazırlar ki, "düşməndən" xəbərsiz və təhlükəsiz şəkildə atəş nöqtələri arasında hərəkət edib vuruşsunlar. Bildirilib ki, səngərlər etibarlı şəkildə bağlanacaq və yuxarıdan möhkəmləndiriləcək. Diqqətçəkən məqam səngər qazanların mülki geyimdə, hətta yanlarında qadınların da olmasıdır. Hesab edilir ki, bu, ermənilərin növbəti hiyləsidir.
Çünki ordumuz müdaxilə edərsə, "mülki şəxslərə" müdaxilə edildiyini bildirəcəklər, "mülki ermənilərin"özünü qorumaq üçün" çalışdıqlarını göstərməyə çalışırlar. Qeyd edək ki, VOMA (Voxj Mnalu Arvest – Sağ qalmaq sənəti) Ermənistan ərazisində fəaliyyət göstərən çoxsaylı terror təşkilatlarından biridir. Bu terror təşkilatının Qarabağdakı filialı xeyli müddətdir fəaliyyətə başlayıb.
Politoloq Azər Qasımov "Şərq"ə açıqlamasında bildirib ki, ermənilər başlarını itiriblər. Analitik deyib ki, 30 il ərzində torpaqlarımızda qurduqları "keçilməz istehkamların" qısa zamanda darmadağın edilməsi ermənilərə dərs olmayıb:
"Azərbaycan Ordusu "keçilməz" sədləri bir neçə saatın içərisində yarıb keçdi. Buna rəğmən, üç-beş erməninin qazdıqları səngərin onları qoruyacağını düşünürlər. Səngər qazmaqları, yeni istehkam düzəltmələri, silahlanmaları göstərir ki, bunların ağılları başlarına gəlməyib. Deməli, ermənilərin normal münasibətlə yola gələcəkləri də mümkün deyil. Separatçılar Azərbaycanın tərkibində və azərbaycanlılarla bir yerdə yaşamaq istəmirlər. Daha doğrusu, məhv edilməyi daha üstün tuturlar. Azərbaycan əsgəri separatçıların istəyini tezliklə yerinə yetirməli və onları 44 günlük müharibədə "yoxa çıxan" erməni əsgərlərin yanına göndərməlidir. Məhv edilən separatçılar iki ildə nələrin dəyişdiyini "Erablur" qəbiristanlığında yatan erməni hərbçilərə danışarlar. Çünki "mülki şəxslərin" səngər yox, əslində özlərinə qəbir qazdıqlarını 44 günlük savaşda gəbərdilmiş ermənilər daha yaxşı bilirlər. Təbii ki, orada heç bir "mülki şəxsdən" söhbət getmir. Həm də Azərbaycan PUA-ları erməni separatçılarını bir-bir "dənləmək" gücündədir. Separatçılar Azərbaycan əsgərinin üzünü ancaq Xankəndidə görəcəklər. Onda da gec olacaq".