Koronavirus müalicəsində C vitamininin böyük dozada istifadəsi sağalma sürətinə müsbət təsir göstərmir və bunun əks təsirləri ola bilər.
Bu barədə RT-yə müsahibəsində "Healthnet" milli texnoloji təşəbbüsünün işçi qrupunun eksperti, biofizik Andrey Lomonosov danışıb.
Onun sözlərinə görə, böyük dozalarda C vitamininin xəstəliyin müddətini və koronavirusun şiddətini azaltdığına dair elmi sübut yoxdur. Bundan əlavə, urolitiyaz xəstəliyinə meyilli xəstələr C vitamini istifadə edərkən daha diqqətli olmalıdırlar.
"Təhlükəsiz dozadan artıq vitamin qəbulu əks təsirlərə səbəb ola bilər. Bunlar arasında mədə-bağırsaq traktının pozulması, məsələn, mədə sancısı var. Həmçinin uzun müddət yüksək dozada C vitamini qəbulu böyrək daşlarının daha sürətli əmələ gəlməsinə kömək edir. Bu xəstəliyə meyilli insanlar üçün bilmək vacibdir. Dəmirlə birlikdə C vitamini qəbul edərkən bədəndə həddindən artıq dəmir yığılması da mümkündür", - ekspert izah edib.
Digər soyuqdəymələrin müalicəsində vəziyyət fərqlidir. Bu vəziyyətdə, C vitamini əlavəsinin dozanın qısa müddətli artması ilə faydalı olduğu sübut edilib.