Avropa İttifaqı və ÜST-nin birgə həyata keçirdiyi “COVID-19 əleyhinə vaksinasiyaya dəstək layihəsi” çərçivəsində TƏBİB-in tabeliyindəki tibb müəssisələrinə peyvəndlərin soyuq zəncir prinsipinə uyğun olaraq daşınması və saxlanılması üçün avadanlıqların təhvil verilməsi planlaşdırılır.
Bu barədə "Report" İcbari Tibbi Sığorta üzrə Dövlət Agentliyinə istinadən xəbər verir.
Layihə çərçivəsində indiyədək paytaxt və bölgələrdəki tibb müəssisələrində çalışan 673-ü həkim və 2204-ü tibb bacısı olmaqla ümumilikdə peyvəndləmə prosesində iştirak edən 2877 tibb işçisinə təlimlər keçirilib.