Bu qədər amerikalı İstanbula niyə gəldi?  - Zafer Şahin

O, FETÖ liderinin ABŞ-da yaşamaq icazəsi alması üçün tövsiyə məktubu yazıb. Həmin məktubda o, Fətullah Gülənin “ABŞ maraqlarına qarşı heç bir addım atmayacağını” vurğulayıb. 15 iyul çevriliş cəhdindən sonra Türkiyə Fuller haqqında həbs qərarı çıxardı...

Və sadə görünən, lakin dərin məna yüklü başqa bir detal... Fullerin qızının adı Ankaradır! Tam adı Samanta Ankara Fullerdir..

Amerikalılar bizi həmişə seviblər. Xüsusilə də onların yüksək rütbəli kəşfiyyatçılarının ölkəmizə xüsusi sevgisi var. Təkcə onlar yox, ingilislər də bizi sevirlər. Əks halda, İstanbul hər seçkidən əvvəl ingilis və amerikalılarla dolub-daşardımı?

Yanvar və fevral aylarında İstanbula gələn İngilislərin sayı 56 min 430 idi. Amerikalıların sayı 41 min 472 oldu!

Maraqlıdır ki, 2023-cü il mayın 14-də seçkiyə iki ay qalmış İstanbula gələn ingilis və amerikalı turistlərin sayında partlayış baş vermişdi. Həmin dövrdə 52 min 625 amerikalı, 43 min 700 britaniyalı turist ölkəmizə ayaq basıb. İncirlik bazasına enən amerikalılardan başqa!

Qışın soyuğunda bu qədər amerikalı və ingilis Türkiyəyə sırf mədəni turizm üçün gələ bilərmi? Maraqlıdır, onların arasında kəşfiyyat işi ilə məşğul olmaq və ya təsir agenti kimi xaos yaratmaq üçün göndərilənlər varmı? Adamın ağlına hər şey gəlir.

Kaş bu sualların cavabını öyrənə biləydik. Bunu da keçək. Kaş biləydik ki, Fullerin adı Ankara olan qızı son 10 ildə neçə dəfə Türkiyəyə gəlib, harada və kiminlə görüşüb. Bu ölkədə baş verən heç bir şeyin təsadüf olmadığını daha yaxşı başa düşərdik.

Qərb dünyası üçün Türkiyə dünən olduğu kimi bu gün də yalnız türklərə buraxılmayacaq qədər əhəmiyyətli bir ölkədir. Onların hər seçki öncəsi öz təsir agentlərini və casuslarını Türkiyəyə göndərmələrinin səbəblərindən biri də budur. Onlar faydalı detal axtarırlar.

Kədərlidir, amma doğrudur... Tapırlar.